З перакладаў на беларускую мову: |
|
---|---|
Адамс, Д. Аўтаспынам па галактыцы / Дуглас Адамс; пер. П.Касцюкевіча. — Мінск : Логвінаў, 2015. — 224 с.
Гумар і фантастыка, хораша спалучаныя пад адной вокладкай. Беларускамоўны варыянт з’явіўся ў 2015 годзе ў выдавецтве Логвінаў. Як мінімум, з кніжкі можна даведацца адказ на самае важнае пытанне жыцця, Сусвету ды такога-ўсякага (42).
Дзе ўзяць? - у Нацыянальнай бібіліятэцы Беларусі (толькі чытальная зала)
|
|
Бары, Д. М. Пітэр Пэн / Джэймс Мэцью Бары; пер. Уладзя Лянкевіча; іл. Кацярыны Дубовік. — Мінск: Кнігазбор, 2017. — 192 c. — (Каляровы ровар)
Пераклад з’явіўся ў Кнігазборы ў 2017 годзе. Не-зусім-фэнтэзі ў нашым сённяшнім разуменні, але для азнаямлення, бадай што, абавязковае. Праблема сталення ды такое ўсё. І забаўныя феі.
Дзе ўзяць? - у дзіцячых бібліятэках Мінска ЦБ, 1, 2, 3, 4, 5, 6, 7, 8,10, 11, 14, 15, 16, 17 - у бібліятэке фестываля "Горад і Кнігі" (кніга - пераможца спецпраекта "Ліхтар") - у краме halijafy.by - у краме knihi.by |
|
Жвалеўскі, А. Гімназія № 13 / Андрэй Жвалеўскі, Яўгенія Пастэрнак; пер. з рус. Раісы Баравіковай. — Мінск : А. М. Янушкевіч, 2017. — 376 с.
Гісторыя, якая адбылася ў звычайнай мінскай гімназіі. Ну як звычайнай — з дамавікамі, кабінетнымі і іншымі нячысцікамі. І яшчэ... не, чытайце самі.
Дзе ўзяць? - у дзіцячых бібліятэках Мінска - у бібліятэке фестываля "Горад і Кнігі" (кніга - пераможца спецпраекта "Ліхтар") |
|
Замак Отранта / Хорас Ўолпал; пер. з англ. Г.Янкуты. Франкенштайн, ці Сучасны Праметэй / Мэры Шэлі; пер. з англ. М. Дзергачовай. — Мінск : Кнігазбор, 2016. — 368 с.
2 тэксты пад адной вокладкай, 2 забітыя зайцы з бібліятэчкі часопіса Прайдзісвет (2016). Класіка гатычных раманаў.
Дзе ўзяць? - у Нацыянальнай бібіліятэцы Беларусі (толькі чытальная зала) - у Цэнтральная навуковай бібліятэцы НАН Беларусі ім. Я.Коласа -у краме knihi.by |
|
Лаўкрафт, Г. Ф. Кліч Ктулху / Говард Філіпс Лаўкрафт; пер. з англ. У. В. Гурыновіч, П. П. Донава, А. Ю. Кудраўцава. — Мінск : Янушкевіч, 2017. — 280 с.
Зборнік апавяданняў выйшаў у 2017 годзе ў выдавецтве Янушкевіч. Ёсць ахвота да жахаў і містыкі? У спадара Лаўкрафта хапае і таго, і другога.
Дзе ўзяць? - у Нацыянальнай бібіліятэцы Беларусі (толькі чытальная зала) - у краме knihi.by |
|
Льюіс, К.С. Хронікі Нарніі. Пляменнік Чараўніка / К.С.Льюіс; пер. з англ. мовы Н.Кім. — Мінск: Пазітыў-цэнтр, 2016. — 218 с. — (Добрая кніга).
Кніга выйшла ў 2016 годзе ў выдавецтве Пазітыў-цэнтр. Блізкі сябар Толкіна, Льюіс утварыў уласны цікавы свет, варты знаёмства. У камплекце хрысціянская мараль ды станоўчыя прыклады.
Дзе ўзяць? - у дзіцячых бібліятэках Мінска ЦБ, 1, 2, 3, 4, 5, 6, 7, 8,10, 11, 14, 15, 16, 17 - у краме kniger.by - у краме knihi.by - у краме электронных кніг kniharnia.by
|
|
Толкін, Дж. Р. Р. Хобіт, або Вандроўка туды і назад / Дж. Толкін, пер. з англ. Д.Магілёўцава, К.Курчанковай. — Мінск, 2002. — 264 с.
Так, пераклад выйшаў ажно ў 2002 годзе, але якое ж знаёмства з жанрам фэнтэзі без знаёмства з бацькам-заснавальнікам? У камплекце: хобіты, гномы, чарадзей і цмок (1 шт.). А, і яшчэ эльфы. І трохі філалагічных выбрыкаў, якія заўважыць абазнаны і ўважлівы чытач.
Дзе ўзяць? - у беларускай электронная бібліятэцы "Беларуская палічка" - в інтернетце шмат)
|
|
З сучасных беларускіх аўтараў: |
|
Аўдзейчык, С. Кніга здольных / Святлана Аўдзейчык. — Мінск : Галіяфы, 2020. — 352 с.
|
|
Длатоўская, А. Ген зямлі / Аліна Длатоўская. — Мінск : Кнігазбор, 2017. — 132 с.
Трохі супергеройскай тэматыкі ў гэтай вашай\нашай сучаснасці (так, хто сказаў “сацыяльны падтэкст”?).
Дзе ўзяць? - у Нацыянальнай бібіліятэцы Беларусі (толькі чытальная зала) - у краме электронных кніг kniharnia.by |
|
Захарэвіч, К. Час Вогненнага Птушкалова / Кацярына Захарэвіч. — Мінск : Кнігазбор, 2018. — 144 с.
Антыўтопія, якая насамрэч не… пачакайце-пачакайце… ці ўсё-такі антыўтопія?
Дзе ўзяць? - у Нацыянальнай бібіліятэцы Беларусі (толькі чытальная зала) - у краме knihi.by |
|
Ільюшына, Л. Ключ дарог. Пачатак / Лілія Ільюшына. — Мінск : Галіяфы, 2019. — 352 с.
Джым разумее, што можа кіраваць дарогамі, а заадно пазнае пра свет вакол сябе шмат новага. Злыдні, ведзьмы і сяброўства. Ён справіцца.
Дзе ўзяць? - у краме halijafy.by - у Акадземкнізе |
|
Камінская, З. Русалкі клічуць / Зараслава Камінская. — Мінск : Кнігазбор, 2017. — 108 с.
Містыка ды міфалогія на фоне кранальных чалавечых перажыванняў. Або наадварот.
Дзе ўзяць? - у Нацыянальнай бібіліятэцы Беларусі (толькі чытальная зала) - у краме электронных кніг kniharnia.by |
|
Корф, С. Палескі дыярыуш дывізіі Серакоўскага / Стэфан Корф. — Мінск : Кнігазбор, 2018. — 204 с.
Айчынная міфалогія, драбок гісторыі і сюжэтны пава... Ну, вось так.
Дзе ўзяць? - у Нацыянальнай бібіліятэцы Беларусі (толькі чытальная зала) - у краме электронных кніг kniharnia.by - у краме knihi.by |
|
Латышкевіч, М. Вершнікі на дарозе. Над Вугерай — дождж / Маргарыта Латышкевіч // Наш дом. — Мінск : Мастацкая літаратура, 2018. — С.216-350
Сціслае кіраўніцтва для тых, хто хоча забіць цмока, але пакуль не ведае, як (спойлер: прыкарміце чарадзея яблыкам).
Дзе ўзяць? - у дзіцячых бібліятэках Мінска ЦБ, 1, 3, 4, 7, 9,14, 15 - у Нацыянальнай бібіліятэцы Беларусі (толькі чытальная зала) - ва ўсіх публічных бібліятэках Мінска
Латышкевіч, М. Вараціш-гара / Маргарыта Латышкевіч // Маладосць. — 2018. — №5. — С.49-75 Латышкевіч, М. Вараціш-гара / Маргарыта Латышкевіч // Маладосць. — 2018. — №6. — С.42-66
Гісторыя, уласна, пра тое, што адна раззлаваная дзяўчына можа даць дыхту ўсім гэтым вашым міфалагічным існасцям.
Дзе ўзяць? - ва ўсіх дзіцячых бібліятэках Мінска - ва ўсіх публічных бібліятэках Мінска - у Нацыянальнай бібіліятэцы Беларусі (толькі чытальная зала) |
|
Шэін, А. Сем камянёў / Аляксей Шэін. — Мінск : Пазітыў-цэнтр, 2015. — 416 с.
Ува многім не столькі ўласна фэнтэзі, колькі алегорыя. З хрысціянскімі матывамі. І хэпі-эндам.
Дзе ўзяць? - ва усіх дзіцячых бібліятэках Мінска |
Спіс падрыхтавала Маргарыта Латышкевіч (спецыяльна для фестывалю "Горад і Кнігі")