Быць не такім, як усе - цяжка. Калі ты чырвоны кракадзільчык, ты, акрамя астатняга, ты не зможаш гуляць у хованкі ў трыснягу.
І як бы астатняе зеленае сямейства не хваліла незвычайную прыгожую чырвоную скуру, больш за ўсе на свеце Кразі хацеў быць звычайным.
Зялены камбінезон, зялёнка - не варыянт, як адразу папярэджвала мама, але Кразі ўсе роўна паспрабаваў.
Але аднойчы Кразі, які ня можа гуляць у сваю любімую гульню (хованкі), сустракае арляненка ў акулярах, які не можа гуляць у сваю - адсочваць мышанят.
Потым газель з адолманным рогам, якая больш не можа бадацца.
- Вы таксама прыйшлі мяне дражніць? - панура спыталася газель.
- Мы? - здзівіўся Ары. - Навошта?
- Не ведаю, але звычайна ўсе так робяць.
Потым кампанія папаўняецца кенгуру - сынам дыпламатаў.
- А што вы звычайна робіце?
- Шмат чаго?... Напрыклад, шукаемштосьці на загаданы колер. Ці можно знайсці самы вялікі і самы маленькі камень ці лісток. А яшчэ даганялкі, гарачы ананас, ручэй, загадкі! Да таго ж мы майструем буданы, плаваем у рацэ, хаваемсяў пяску - мноства ўсяго цікавага!
Аказваецца, што дзіўныя звяраты, якіх ўсе дражняць, могуць прыдумляць новыя цікавыя гульні. І яны не дзіўныя, а дзівосныя - так сказаў ім брат Кразі.
Іншыя кракадзільчыкі спачатку не верылі, што есць гульні, цікавейшыя за хованкі. Але паспрабавалі і ўцягнуліся.
На святкаванне дня народзінаў Кразі, асаблівага кракадзільчіка, “сабраліся і газелі, і арлы, і кракадзільчыкі, і невялікая сямья кенгуру”.
Нататкі:
Першая з неперакладных беларускіх кніг для малых, якую можна паставіць у адзін шэраг з добрымі інклюзіўнымі кнігамі.
Катэгорыя - іншыя (адораныя, белыя вароны, з нестандартнай знешнасцю, паводзінамі, характарам) + саматалерантнасць.
Ход, што ізгоі з дэфектамі знаходзяць адзін аднаго і вырашаюць сябраваць - збіты, але ён толькі пачатак. Далей героі пачынаюць глядзець на гульні не так, як усе - і прыдумляюць свае. І, як гэта часта бывае ў жыцці, нестандартнасць акупляецца.
Інклюзіўнасць - гэта і ёсць выйсце за межы звыклага. Так, на прыкладзе незвычайных гульняў можна пагаварыць з дзіцем аб разнастайнасці і карысці адрозненняў.
А можна проста чытаць гісторыю пра чырвонага кракадзільчыка!